Persaingan Sehat.
Taringot di tingki di huta, dipaborhat natua-tua marsingkola tu luat na asing, adong na tu Pakkat, tu Onan Ganjang, tu Dolok Sanggul, tu Balige, tu Tarutung, tu Siantar nang tu Medan.
Sai adong be do akka kegiatan ni parsingkola na borhat sian huta tarlobi tingki ari pesta (Natal). Sibaen di imana be ma goar ni punguan sian luat parsikkolaan na. Molo hami sian Doloksanggul targoar ma P4S (Persatuan Pemuda Pemudi Pulogodang Sekitarnya).
Mulai sian bulan September nunga hehe be mambaen kegiatan laho patupahon silua tu huta ima berupa acara Natal na dibaen mar drama, manang tonel didok najolo. Ganup minggu marpungu ma di jabu ni natua2, adong na latihan Koor, latihan liturgi tarlobi latihan drama.
Tung uli jala las do roha hatiha i, so nihilala loja. Sipata olo do lomos akka natua2 di angka kegiatan i, ai didok roha nasida sotung gabe sundat marsiajar alani akka kegiatan i. Alai i ma huroa bangkona, lam godang kegiatan lam ringgas muse do nang marsiajar. Ai tung mansai jarang do na talu manang tinggal kelas sian hutanta Pulogodang di luat dia pe marsingkola.
Dung libur semesteran di bulan Desember, mulak ma tu huta. Parmisi ma Ketua Panitia tu angka gereja na di huta, andigan boi patupahon acara silua i na berupa Drama Natal. Dung diputushon parhalado tanggal na, marroan ma tu gereja ariani akka panitia laho paturehon pentas, attar somal dibaen do panggung di langgatan ni gareja, dipinjam ma papan sian akka natua2 di huta somalna akka na naeng paturehon jabu alai dang dipakke dope papan na i. Ringgas be do sude panitia margotong royong paturehon pentas i, adong na mamboan gargaji, tokkok, labang, tali palastik, tali nilon, galendong ni bonang, harotas miak dohot lan na asing. Tung uli ma tahe, jala dos roha. Ihutni i, attar somal do tong, ganup anggota mamboan kain panjang mambaen tenda di panggantungkon mai tu tali laho manutup pentasi, jala boi dibuka tutup hombar tu acara.
Godang do akka kenangan disi, manonton drama babak demi babak, mar vokal group, marlelang (masibaen goarna do biasa akka na marlelang i, adong si hutur sanggul, si dung-dung langit, si bondut labang, massam ma i).
Molo attar lungun do cerita ni drama i, attar sai adong do natua2 na tarilu mangihut-ihut drama i, adong muse na gabe mambaen masihol tu pangarantona naung lelng dang mulak.
Antusias do sude akka natua-tua, naposo nang dakdanak paihut-ihut acara ni binoan ni angka parsingkola.
Molo hami naujui sian P4S, mambaen silua Natal berupa drama na berjudul Datu Elka, hira2 alur ceritana tudos tu si Yohannes na hona bunu ala na pararat barita nauli. Torop do na histeris tikki i, dung dibunu datu elka si Yohannes, ai huroa sai hira na tung suman do peragaan i dibereng akka panonton. ung pe sidung acara, jong-jong ma sude akka aktor dan aktris pemeran ni dramai, dang na mate hape si Yohannes i, sipaula-ula doi hombar tu alur ceita ni drama i.
Martopap ma akka panonton, mekkel ia na deba dungi marmulakan ma sada-sada masiboan lampu sitarongkengna be marudur-udur di gadu-gadu dompak hutana be.
Tinggal ma panitia dohot anggota mambongkari pentas, dang nihilala lojana, ai puas do perasaan na mangulahon acara i. Dung sidung mambongkar pentas, marpungu ma di sada jabu sude anggota i, marsogotna tarlambat ma dungo (kesiangan), alai dang pola dimuruki natua2 i, ai tardophon roha do nasida nga makkar modom sude panitia.
Uli ma sude, jala sonang roha di na mamestahon ari hatutubu ni Yesus Sipalua i, jala akka on ma kenangan na so tarlupahon tikki haposoon di huta, Pulogodang na uli i.
Slamat Natal ma di hita saluhutna, jala Selamat menjelang Taon Baru.
Horas!
Syalom!
Taringot di tingki di huta, dipaborhat natua-tua marsingkola tu luat na asing, adong na tu Pakkat, tu Onan Ganjang, tu Dolok Sanggul, tu Balige, tu Tarutung, tu Siantar nang tu Medan.
Sai adong be do akka kegiatan ni parsingkola na borhat sian huta tarlobi tingki ari pesta (Natal). Sibaen di imana be ma goar ni punguan sian luat parsikkolaan na. Molo hami sian Doloksanggul targoar ma P4S (Persatuan Pemuda Pemudi Pulogodang Sekitarnya).
Mulai sian bulan September nunga hehe be mambaen kegiatan laho patupahon silua tu huta ima berupa acara Natal na dibaen mar drama, manang tonel didok najolo. Ganup minggu marpungu ma di jabu ni natua2, adong na latihan Koor, latihan liturgi tarlobi latihan drama.
Tung uli jala las do roha hatiha i, so nihilala loja. Sipata olo do lomos akka natua2 di angka kegiatan i, ai didok roha nasida sotung gabe sundat marsiajar alani akka kegiatan i. Alai i ma huroa bangkona, lam godang kegiatan lam ringgas muse do nang marsiajar. Ai tung mansai jarang do na talu manang tinggal kelas sian hutanta Pulogodang di luat dia pe marsingkola.
Dung libur semesteran di bulan Desember, mulak ma tu huta. Parmisi ma Ketua Panitia tu angka gereja na di huta, andigan boi patupahon acara silua i na berupa Drama Natal. Dung diputushon parhalado tanggal na, marroan ma tu gereja ariani akka panitia laho paturehon pentas, attar somal dibaen do panggung di langgatan ni gareja, dipinjam ma papan sian akka natua2 di huta somalna akka na naeng paturehon jabu alai dang dipakke dope papan na i. Ringgas be do sude panitia margotong royong paturehon pentas i, adong na mamboan gargaji, tokkok, labang, tali palastik, tali nilon, galendong ni bonang, harotas miak dohot lan na asing. Tung uli ma tahe, jala dos roha. Ihutni i, attar somal do tong, ganup anggota mamboan kain panjang mambaen tenda di panggantungkon mai tu tali laho manutup pentasi, jala boi dibuka tutup hombar tu acara.
Godang do akka kenangan disi, manonton drama babak demi babak, mar vokal group, marlelang (masibaen goarna do biasa akka na marlelang i, adong si hutur sanggul, si dung-dung langit, si bondut labang, massam ma i).
Molo attar lungun do cerita ni drama i, attar sai adong do natua2 na tarilu mangihut-ihut drama i, adong muse na gabe mambaen masihol tu pangarantona naung lelng dang mulak.
Antusias do sude akka natua-tua, naposo nang dakdanak paihut-ihut acara ni binoan ni angka parsingkola.
Molo hami naujui sian P4S, mambaen silua Natal berupa drama na berjudul Datu Elka, hira2 alur ceritana tudos tu si Yohannes na hona bunu ala na pararat barita nauli. Torop do na histeris tikki i, dung dibunu datu elka si Yohannes, ai huroa sai hira na tung suman do peragaan i dibereng akka panonton. ung pe sidung acara, jong-jong ma sude akka aktor dan aktris pemeran ni dramai, dang na mate hape si Yohannes i, sipaula-ula doi hombar tu alur ceita ni drama i.
Martopap ma akka panonton, mekkel ia na deba dungi marmulakan ma sada-sada masiboan lampu sitarongkengna be marudur-udur di gadu-gadu dompak hutana be.
Tinggal ma panitia dohot anggota mambongkari pentas, dang nihilala lojana, ai puas do perasaan na mangulahon acara i. Dung sidung mambongkar pentas, marpungu ma di sada jabu sude anggota i, marsogotna tarlambat ma dungo (kesiangan), alai dang pola dimuruki natua2 i, ai tardophon roha do nasida nga makkar modom sude panitia.
Uli ma sude, jala sonang roha di na mamestahon ari hatutubu ni Yesus Sipalua i, jala akka on ma kenangan na so tarlupahon tikki haposoon di huta, Pulogodang na uli i.
Slamat Natal ma di hita saluhutna, jala Selamat menjelang Taon Baru.
Horas!
Syalom!
No comments:
Post a Comment